Sgeulachd na Camanachd
Tha ceanglaichean làidir aig sgìre Bhàideanach ann am Pàirc Nàiseanta a’ Mhonaidh Ruaidh le iomain, far a bheil an spòrs na phàirt bunailteach de chultar is dualchas na sgìre. Anns an latha an-diugh, tha iomain na spòrs luath, farpaiseach, far a bheil an geama fhathast aig cridhe choimhearsnachdan air feadh Bhàideanach
Dualchas Iomain agus Cultar Gàidhlig
Is e spòrs misneachail, traidiseanta a th’ ann an iomain a’ cleachdadh maide cam agus ball, a tha air a chluich air feadh na h-Alba ach, is dòcha gu sònraichte, ’s a’ Ghàidhealtachd agus Costa an Iar Alba. Thathas an dùil gun deach a thoirt a-steach a dh’ Alba o chionn ùine mhòr air ais à Èirinn, còmhla ris a’ chreideamh Chrìosdail agus a’ chànan Gàidhlig, far a bheil àite an spòrs ann am beul-aithris na h-Èireann a’ nochdadh gun deach an spòrs a chluich ann an cruth air choireigin airson mìltean de bhliadhnaichean: gu dearbh, is dòcha gur e iomain aon de na spòrsan as sine a tha fhathast air a chluich san latha an-diugh.
“Gu dearbh, is dòcha gur e iomain aon de na spòrsan as sine a tha fhathast air a chluich san latha an-diugh.”
Mar ghnìomhachd chultarail, tha ceangal làidir aig iomain le mòran thaobhan eile de chultar traidiseanta na Gàidhealtachd, leithid ceòl, bàrdachd agus òrain. Is e Gàidhlig cànan na camanachd, far an robh gu h-eachdraidheil an dà chuid cluicheadairean agus luchd-taic nan luchd-labhairt dùthchasach bho na coimhearsnachdan mun cuairt. Bha an labhairt agus an cleachdadh air a’ phàirce ann an Gàidhlig, mar a bha an èigheachd bho luchd-taic air iomall an raoin-chluiche. Mar thoradh air seo, tha mòran dhen briathrachas co-cheangailte ris a’ gheama ’s a’ chànan, a tha fhathast air a cleachdadh gu follaiseach an-diugh.
Gaelic verse: Dain is Oran
| 'Camanachd gur roghadh spòrs e | 'Shinty is the sport of choice |
| Àm a' gheamhraidh is tùs an earraich | In wintertime and early spring |
| Mach 'san achadh 's gillean greannmhor | Out in the field with lively lads |
| An deagh ghleus ri cluich cho annamh, | In good trim to play so rarely, |
| Nach camanachd bu dual d'ar sinnsir, | Was not shinty the custom of our ancestors? |
| Ag iomain bhall air Là Callainn, | Playing shinty on New Year’s Day, |
| C'àit ’eil coimeas ris ’san Eòrpa, | Where is its like in the whole of Europe? |
| H-uile fear cho eudmhor ealamh | Every man so zealous and swift |
| Dol ga dhubhlan bhuidhinn tadhail.' | Meeting the challenges of visiting groups.' |
Tron mhapa-sgeulachd eadar-ghnìomhach ùr againn, faodaidh tu comharran-tìre cudromach a sgrùdadh co-cheangailte ri iomain agus dualchas traidiseanta ann am Bàideanach, a-muigh sa Phàirc no air-loidhne!
Through our new interactive story-map, you can explore important landmarks relating to shinty and traditional heritage in Badenoch, both out in the Park or online!
Discover the origins of shinty in Badenoch, as well as its abiding ties with the Gaelic language and traditional Highland culture.
Faigh a-mach tuilleadh
Tuilleadh Fiosrachaidh
Cleachdadh Dhealbhan
Tha Ùghdarras Pàirc Nàiseanta a’ Mhonaidh Ruaidh a’ creidsinn gu bheil cead an t-sealbhadair againn dealbhan fhoillseachadh a tha fhathast fo dhlighe-sgrìobhaidh agus tha sinn air a bhith faiceallach iomradh a thoirt do stòr nan dealbhan seo gu h-iomchaidh. Ach, ma tha thu den bheachd gu bheil sinn air an stuth dlighe-sgrìobhaidh agad a chleachdadh gun fhiosta, cuir fios thugainn:[email protected].
Taing Sònraichte
Le taing do Bhòrd na Gàidhlig airson an taic maoineachaidh gus an goireas air-loidhne ‘Slighe na Camanachd’ a thoirt gu buil.
Beachdan
Bu mhath leinn do bheachdan a chluinntinn mu bhith a’ cleachdadh Slighe na Camanachd. Cuir post-dealain gu [email protected] le beachdan sam bith.